Korleis deler vi inn i grupper?

Merk: Det er alltid fire ryttarar på kvar gruppe i sprang. I dressur kan vi vera fire til seks, men vi prøver å tilpassa det til det folk ønskjer.

Nybegynnar dressur: Stell av hest, saling, leiing, adferd på ridebanen, tryggleik, rideutstyr (klede, sko osv), sits osv.

Skritt/Trav. Enkle øvingar i skritt og trav. Målet bør vera å gjera øvingane

rett i skritt først, for eksempel bruk av ridevegane.

Lett øvd dressur: No meistrar ryttaren hesten i skritt og nokonlunde i trav. Målet her er å gjera øvingane rett i trav, både i lett sits og nedsittande. Ryttarane kan her få byrja å læra galopp, men det blir ikkje byrja på nokon

øvingar i galopp før ryttaren kan sitta roleg og stabilt ned i salen.

Galoppen er derfor bare ein slags ”bonus” på slutten av timen.

Øvd dressur: No meistrar ryttaren øvingar i trav. Ho/han kan lettriding (dvs. sitta på rett fot) i tillegg til å sitja kontrollert ned i salen. Her byrjar ryttarane

å gjera øvingar i galopp, i tillegg til at dei får ei innføring i halvparadar

slik at dei kan trena på mjuke overgangar i både skritt, trav og galopp.

Ryttaren meistrar hesten i galopp og kan no øva på fleire øvingar i galopp.

Her kan det bli stilt litt større krav til halvparader og kontrollerte

overgangar. Et anna mål her kan være større krav til korrekt sits, som for

eksempel voltesits.

Vidarekomne dressur: Ryttaren meistrar hesten i alle gangarter. Målet her er å læra øvingar som sjenkelvikning, bakdelsvending, aukingar, versadar osv. Målet er at ryttaren skal kunne ri dressurprogram opp til LA. Kor langt vi når kjem an på kvar hest og ryttar.

Nybegynnar sprang: Ryttarane meistrar hesten i alle gangartar, og har kunnskapar tilsvarande dei tre første dressurkursa. Her vert det lagt vekt på at ryttaren skal få opplæring i grunnarbeidet i sprang. Det vert lagt stor vekt på bakkearbeid og bomarbeid, men det vert òg høve til å få hoppe litt dersom rideinstruktøren meiner elevane er klar for det.

Vidarekomne sprang: Ryttarane meistrar hesten i alle gangartar og har delteke på nybegynnaropplæring i sprang. Her vert det trening med bommar, kavalettar og ulike hopp-kombinasjonar. Kor langt vi når kjem an på kvar hest og ryttar.

Det er ikkje sikkert vi klarar å ha grupper der alle er på akkurat same nivået, men vi prøver så godt vi kan!!